හිටපු ජනාධිපති ගෝඨාභය රාජපක්ෂ මහතාට ලබා දී ඇති වීසා කාලය දීර්ඝ කිරීමට නොහැකි බව සිංගප්පූරු රජය මේ වන විටත් දැනුම් දී ඇති බව වාර්තා වේ.
ඒ අනුව, ගෝඨාභය රාජපක්ෂ මහතා නුදුරේදීම යළි ශ‍්‍රී ලංකාවට පැමිණීමට නියමිත ය.
ඊයේ කැබිනට් මාධ්‍ය හමුවේ දී කැබිනට් මාධ්‍ය ප‍්‍රකාශක බන්දුල ගුණවර්ධන මහතාද, හිටපු ජනාධිපතිවරයා යළි පැමිණීමට නියමිත බව ප‍්‍රකාශ කළේ ය.
හිටපු ජනාධිපතිවරයාට සිංගප්පූරු රජය විසින් වීසා නිකුත් කර තිබෙන්නේ දින 14 ක කාලයක් සදහා පමණි.
පසුගිය ජූලි 14 වන දා, හිටපු ජනාධිපතිවරයා සිංගප්පූරුව වෙත ගොඩ බැස තිබුණි. යළි වීසා දීර්ඝ කර ගැනීමට අවස්ථාවක් නොලැබෙන්නේ නම් ඔහුට සිංගප්පූරුවේ රැදී සිටීමට අවසර ලැබෙන කාලය හෙට දිනයෙන් අවසන් වීමට නියමිත ය.
