ජනවාරි-සැප්තැම්බර් ඇඟළුම් අපනයන ආදායම ඩොලර් බිලියන 3.8 ක්. පසුගිය වසර හා සැසදීමේ දී 6.83% ක වර්ධනයක්.

ජනවාරි-සැප්තැම්බර් ඇඟළුම් අපනයන ආදායම ඩොලර් බිලියන 3.8 ක්. පසුගිය වසර හා සැසදීමේ දී 6.83% ක වර්ධනයක්. 

මේ වසරේ ජනවාරි සහ සැප්තැම්බර මුල් මාස නමය තුළ ඇගළුම් අපනයනයෙන් ඩොලර් බිලියන 3.8 ක ආදායමක් උපයා ඇති බව ඇගළුම් අපනයනකරුවන්ගේ ඒකාබද්ධ සංගමය නිවේදනය කරයි. 

පසුගිය වසරේ අදාල කාල පරිච්ඡේදය හා සසදා බැලීමේ දී එය 6.83% ක වර්ධනයකි. 

සැප්තැම්බර් මාසය පමණක් ගත් විට, සැප්තැම්බර් මාසයේ දී ඇගළුම් අපනයනයෙන් උපයා ඇති ආදායම ඩොලර් මිලියන 403.01 කි. 

එය 2024 වසරේ සැප්තැම්බරයේ වාර්තා වූ ඩොලර් මිලියන 396.73 ට සාපේක්ෂව 1.58% ක වර්ධනයකි. 

සැප්තැම්බරයේ එක්සත් ජනපදයට කළ අපනයන 4.71% කින් සහ එක්සත් රාජධානියට කළ අපනයන 15.06% කින් පහත වැටී තිබේ. 

නමුත් යුරෝපා සංගමයට කළ අපනයන 10.07% කින් සහ අනෙකුත් ගමනාන්ත සදහා කළ අපනයන 19.49% කින් ඉහළ ගොස් තිබේ.