"අධිකරණ තීන්දුව ආපහු හරවන්ඩ කැබිනට් මණ්ඩලයට බෑ, දේශබන්දුට පොලිස්පතිධූරයේ ඉන්න බෑ" සාලිය පීරිස්

දේශබන්දු තෙන්නකෝන් සම්බන්ධයෙන් ශ්‍රේෂ්ඨාධිකරණය ලබා දී තිබෙන තීන්දුව පිළිබදව හොදින් අධ්‍යයනය කර ඉදිරි දින දෙක තුළ දී ඒ පිළිබදව සිය අදහස ප්‍රකාශයට පත් කරන බව කැබිනට් මණ්ඩලය දැනුම් දී තිබේ.

කැබිනට් මණ්ඩලය ඒ සම්බන්ධයෙන් කවර තීන්දුවක් ගත්තද, ඔහුට එරෙහිව පවරා තිබෙන නඩුව අසා අවසන් වන තෙක් දේශබන්දු තෙන්කෝන්ට තවදුරටත් පොලිස්පති ධූරයේ කටයුතු කළ නොහැකි බව ජනාධිපති නීතීඥ, නීතීඥ සංගමයේ හිටපු සභාපති සාලිය පීරිස් මහතා පවසයි.

ශ්‍රේෂ්ඨාධිකරණය ලබා දී තිබෙන තීන්දුවට එරෙහිව කටයුතු කිරීමට කිසිවෙකුට නොහැකි බව පවසන ජනාධිපති නීතීඥ සාලිය පීරිස්, අධිකරණ තීන්දුව නොතකා හැරීම අධිකරණයට අපහාස කිරීමක් බවද අවධාරණය කරයි.