"අත්අඩංගුවට ගත් යෝෂිතට මාංචු නොදැම්මේ ඇයි..?" පොලිසිය කරුණු පැහැදිලි කරයි.

"අත්අඩංගුවට ගත් යෝෂිතට මාංචු නොදැම්මේ ඇයි..?" පොලිසිය කරුණු පැහැදිලි කරයි. 

යෝෂිත රාජපක්ෂ අත්අඩංගුවට ගත් අවස්ථාවේ ඔහුට මාංචු නොදැමීම සම්බන්ධයෙන් ඇතැම් පිරිස් සමාජ මාධ්‍යයේ ප්‍රශ්න කර තිබුණු අතර, පොලිස් මාධ්‍ය ප්‍රකාශකවරයා ඒ සම්බන්ධයෙන් පොලිසියේ ස්ථාවර පැහැදිලි කර තිබේ. 

ඒ අනුව, අත්අඩංගුවට ගන්නා සෑම පුද්ගලයෙකුටම මාංචු දැමීම අනිවාර්යය නැත. 

අත්අඩංගුවට ගනු ලබන සැකකරුවකුට මාංචු දමනවාද නැද්ද යන්න, සැකකරුගේ හැසිරීම මත පදනම්ව,  එම අත්අඩංගුවට ගැනීම සිදු කරන පොලිස් නිළධාරියාට තීරණය කළ හැක.

එමෙන්ම, අත්අඩංගුවට පත් වූ යෝෂිත රාජපක්ෂ මහතාගේ ඡායාරූපයක් සමාජ මාධ්‍යයේ සංසරණය වූ අතර, එම ඡායාරූපය පොලිස් නිළධාරියෙකු හෝ යෝෂිත රාජපක්ෂ විසින් ගනු ලැබූවක් නොවන බවද පොලිස් මාධ්‍ය ප්‍රකාශකවරයා පවසයි. එය යෝෂිතගේ මිතුරෙක-ු විසින්, ඔහු බෙලිඅත්ත අධිවේගී මාර්ග මුරපොලේ රදවා සිටිය දී ගත් එකකි.