කොළඹ උද්ධමනය ඉහළට..! ජූනි 1.7% යි. ජූලි 2.4% යි.

කොළඹ උද්ධමනය ඉහළට..! ජූනි 1.7% යි. ජූලි 2.4% යි. 

කොළඹ නාගරික කලාපයේ උද්ධමනය ජූනි මාසයට සාපේක්ෂව ජූලි මාසයේ ඉහළ ගොස් ඇති බව ජනලේඛන හා සංඛ්‍යා ලේඛන දෙපාර්තමේන්තුව පවසයි. 

පසුගිය ජූනි මාසයේ කොළඹ නාගරික කලාපයේ උද්ධමනය 1.7% ක් වූ අතර, ජූලි මාසයේ දී එය 2.4 දක්වා ඉහළ ගොස් තිබේ. 

ජූලි උද්ධමනය ඉහළ යාමට ආහාර ඛාණ්ඩයේ උද්ධමනය ඉහළ යාම මෙන්ම ආහාර නොවන ඛාණ්ඩයේ උද්ධමනය ඉහළ යාමද බලපා තිබේ. 

උද්ධමනය ඉහළ යාමත් සමඟ, මත්පැන් සහ දුම්වැටි පරිභෝජනය සැලකිය යුතු මට්ටමකින් පහත වැටී තිබේ. 

එය, ජූනි මාසයේ 31.7% සිට ජූලි මාසයේ දී 19.9% දක්වා අඩු වී තිබේ.