ජනාධිපතිවරණ සටනට නොඑන බව ධම්මික පෙරේරා නිල වශයෙන්ම දැනුම් දෙයි.

ජනාධිපතිවරණ සටනට නොඑන බව ධම්මික පෙරේරා නිල වශයෙන්ම දැනුම් දෙයි.

පෞද්ගලික හේතූන් මත, තමන් ඉදිරිජනාධිපතිවරණයට ඉදිරිපත් නොවන බව, ධම්මික පෙරේරා මහතා පොහොට්ටු පක්ෂයේ මහලේකම් වරයාට  ලිඛිතව ම  දැනුම් දී ඇති බව වාර්තා වේ. 

ජනාධිපතිවරණ සටනට තමන් සූදානම් බවත්, තමන්ගේ සූදානම ප්‍රකාශ කිරීමට ඇති එකම ප්‍රමාදය, පොහොට්ටු පක්ෂය ඒ සම්බන්ධයෙන් අවසන් තීරණයක් නොගෙන තිබීම බව අවස්ථා කිහිපය ක දී ම ධම්මික පෙරේරා මහතා විසින් පවසා තිබුණි. 

කෙසේ වෙතත්, පොහොට්ටු පක්ෂයෙන් වෙනම අපේක්ෂකයෙකු ඉදිරිපත් කරන බව නිවේදනය කිරීමත් සමග, පක්ෂයේ සැලකිය යුතු බහුතරයක්, ජනාධිපති රනිල් වික්‍රමසිංහ මහතාට සහාය දැක්වීම සදහා පොහොට්ටු පක්ෂය හැර ගියේ ය. 

ඒත් සමඟම, ධම්මික පෙරේරා මහතාද තමන් ජනාධිපතිවරණ සටනට නොබසින බව දැනුම් දී තිබේ. 

ධම්මික පෙරේරා මහතා ජනාධිපතිවරණ සටන මඟ හරින්නේ නම්, නාමල් රාජපක්ෂ මන්ත්‍රීවරයා නිසැක වශයෙන්ම පොහොට්ටු පක්ෂයේ ජනාධිපති ධූර අපේක්ෂකයා ලෙස ඉදිරිපත් වනු ඇතැයි, උදයංග වීරතුංග මහතාද පවසා තිබුණි.