"ඇතැම් රටවලට අදාලව ට්‍රම්ප් තීරු බද්ද නීති විරෝධීයි..!" එක්සත් ජනපද අභියාචනාධිකරණයක් තීන්දු කරයි.

"ඇතැම් රටවලට අදාලව ට්‍රම්ප් තීරු බද්ද නීති විරෝධීයි..!" එක්සත් ජනපද අභියාචනාධිකරණයක් තීන්දු කරයි. 

එක්සත් ජනපදයට කරන අපනයනය මත, ඇතැම් රටවලට අදාලව පනවා තිබෙන අන්‍යෝන්‍ය තීරු බදු අනුපාත නීති විරෝධී බව, එක්සත් ජනපද අභියාචනාධිකරණයක් (එක්සත් ජනපදය තුළ අභියාචනාධිකරණ 11 ක් හෝ ඊට වඩා වැඩි ගණනක් තිබේ.) තීන්දු කර තිබේ. 

අභියාචනාධිකරණ තීන්දුව අභියෝගයට ලක්කරමින් ට්‍රම්ප් පරිපාලනයට ශ්‍රේෂ්ඨාධිකරණය හමුවට යා හැකි අතර, ඊට කාලය ලබා දෙමින් අභියාචනාධිකරණ තීන්දුව බලාත්මක වීම ඔක්තෝබර් 14 වන දා දක්වා කල්තබා තිබේ. 

අභියාචනාධිකරණ තීන්දුව සම්බන්ධයෙන් ට්‍රම්ප් සිය දැඩි අප්‍රසාදය පළකරයි. 

“එය පක්ෂග්‍රාහී අභියාචනාධිකරණයක්. කෙසේ වෙතත්, අවසානයේදී එක්සත් ජනපදය ජයග්‍රහණය කරනු ඇත..!” ට්‍රම්ප් සිය එක්ස් මාධ්‍යයේ සටහනක් තබමින් පවසයි.