මුස්ලිම් මෘතදේහ බලහත්කාර ආදාහනය; “වගකිවයුතු අය සෙවීමට තේරීම් කාරක සභාවක් පත්කරනවා..!”

මුස්ලිම් මෘතදේහ බලහත්කාර ආදාහනය; “වගකිවයුතු අය සෙවීමට තේරීම් කාරක සභාවක් පත්කරනවා..!” සමස්ත ලංකා ජමයිතුල් උලමා සංවිධානයට ජනාධිපති පොරොන්දු වෙයි. 

කොවිඩ් වසංගත සමයේ දී ලෝක සෞඛ්‍ය සංවිධානයේ නිර්දේශයද නොතකා හරිමින්, වසංගතයෙන් මියගිය මුස්ලිම් ජාතිකයන්ගේ මෘතදේහ බලහත්කාරයෙන් ආදාහයනය කිරීමට නිර්දේශ කළ පුද්ගලයන් පිළිබදව සොයා බැලීමට පාර්ලිමේන්තු තේරීම් කාරක සභාවක් පත් කිරීමට කටයුතු කරන බව ජනාධිපති රනිල් වික්‍රමසිංහ මහතා පොරොන්දු වී තිබේ. 

අද, සමස්ත ලංකා ජමයිතුල් උලමා සංවිධානය සමග සාකච්ඡාවක දී ජනාධිපතිවරයා මෙම පොරොන්දුව ඔවුන්ට ලබා දී ඇති බවයි පැවසෙන්නේ. 

ඊට අමතරව, ස්වාධීන පලස්තීන රාජ්‍යයක් සම්බන්ධයෙන් වූ සිය ස්ථාවරය ඒ ආකාරයටම පවතින බවද ජනාධිපති වරයා මෙහිදී ප්‍රකාශ කර තිබේ.