"තාජුඩීන් ඝාතනය, ලසන්ත ඝාතනය, එක්නැලිගොඩ අතුරුදන් කිරීම, කප්පම් ගැනීමට පැහැරගත් පාසල් සිසුන් 11 දෙනාට මොකද වුනේ...?මේ සියලු පරීක්ෂණ යළි ආරම්භ කරනවා." අනුර කියයි.

"තාජුඩීන් ඝාතනය, ලසන්ත ඝාතනය, එක්නැලිගොඩ අතුරුදන් කිරීම, කප්පම් ගැනීමට පැහැරගත් පාසල් සිසුන් 11 දෙනාට මොකද වුනේ...?මේ සියලු පරීක්ෂණ යළි ආරම්භ කරනවා." අනුර කියයි. 

ජනාධිපතිවරණය ජය ගැනීමෙන් පසුව, තාජුඩීන් ඝාතනය, ලසන්ත වික්‍රමතුංග ඝාතනය, ප්‍රගීත් එක්නැලිගොඩ අතුරුදන් කිරීම සහ කප්පම් ලබා ගැනීම සදහා පැහැරගත් සිසුන් 11 දෙනාගේ අතුරුදන් වීම ඇතුළුව සමාජය තුළ මහත් ආන්දෝලනයක් ඇති කළ, තවමත් නොවිසදී පවතින බිහිසුණු අපරාධ පිළිබදව යළි විමර්ශන අරඹන බව අනුර කුමාර දිසානායක මහතා පවසයි. 

මෙම සෑම අපරාධයක් සම්බන්ධයෙන්ම වරින් වර විමර්ශන අරඹා තිබුණු අතර, දේශපාලන බලාධිකාරයේ මැදිහත් වීම මත එම එම විමර්ශන අවසානයක් කරා ගෙන යාමට එකී විමර්ශන භාරව සිටි නිළධාරීන්ට නොහැකි විය. 

මෙම අපරාධ පිළිබදව මෙන්ම පාස්කු ප්‍රහාරය පිළිබදව ද විමර්ශන අවසානයක් කරා ගෙන යාමට බලාපොරොත්තු වන බව අනුර දිසානායක පවසා තිබේ. 

සිරස නාලිකාව ඔස්සේ විකාශය වූ සටන් දේශපාලන සංවාදයට සහභාගී වෙමින් ඔහු මේ බව පැවසී ය.