ජෝ බයිඩ්න් ජනාධිපතිවරණ සටනින් ඉවත් වේ. කමලා හැරිස් වඩාත් සුදුසු බව පවසයි.

ජනාධිපතිවරණ සටනින් තමන් ඉවත්වන බව එක්සත් ජනපද ජනාධිපති ජෝ බයිඩ්න් ඊයේ දිනයේ දී ප්‍රකාශ කළේ ය. 

ඒ, බොහෝ පාර්ශ්ව, ජනාධිපතිවරණ සටනින් ඉවත්වන ලෙස ඔහුට බලපෑම් කරමින් තිබුණු පසුබිමක දී ය. 

ඩොනල්ඩ් ට්‍රම්ප් සමග පැවති විවාදයේ දී ජනාධිපති බයිඩ්න් ඊට මුහුණ දුන් ආකාරය ඔහු පිළිබදව පැවති විශ්වාසය පළුදුවීමට මූලිකම හේතුව වී තිබුණි. 

බයිඩ්න්, ඩොනල්ඩ් ට්‍රම්ප් එල්ල කළ පදනම් විරහිත චෝදනාවන්ට පවා නිසි ලෙස පිළිතුරු නොදුන් බවට විවේචන එල්ල විය. 

තමන් මීළග ජනාධිපති ධූර අපේක්ෂකයා ලෙස ඉදිරිපත් නොවන බව පවසා තිබෙන ජෝ බයිඩ්න්, දැනට එක්සත් ජනපදයේ උප ජනාධිපති ධූරය දරන කමලා හැරිස්, ට්‍රම්ප් සමග වූ සටනට වඩාත්ම සුදුසු අපේක්ෂිකාව ලෙස නම් කරයි. 

එමෙන්ම ඔහු කමලා හැරිස් ජනාධිපතිධූරය සදහා පත් කර ගැනීමට සියළු ඇමරිකානුවන්ගේ සහයෝගයද ඉල්ලා සිටියි.