කිසිදු පශ්චාත් මැතිවරණ ප්‍රචණ්ඩ ක්‍රියාවක් වාර්තා වී නෑ..!

කිසිදු පශ්චාත් මැතිවරණ ප්‍රචණ්ඩ ක්‍රියාවක් වාර්තා වී නෑ..!

ජනාධිපතිවරණයේ නිල ප්‍රතිඵල දැනුම් දී පැය හතලිස් අටකට ආසන්න කාලයක් ගත වී ඇතත්, මෙතෙක් කිසිදු පශ්චාත් මැතිවරණ ප්‍රචණ්ඩ ක්‍රියාවක් වාර්තා වී නැති බව මැතිවරණ නිරීක්ෂණ සංවිධාන පවසයි. 

ඒ අනුව, මේ ජනාධිපතිවරණය, එතෙක් මෙතෙක් පැවති, සාමකාමීම මැතිවරණය බව ඔවුන්ගේ අදහසයි. 

සමස්ත මැතිවරණ කාල සීමාව තුළ පැමිණිලි 1800 ක් පමණ ලැබී තිබුණු අතර, ඉන් බහුතරය, රාජ්‍ය බලය සහ රාජ්‍ය දේපළ අයුතු ලෙස පරිහරණය කිරීම සහ සමාජ මාධ්‍යය ඔස්සේ සිදු කරන ලද දේට සම්බන්ධ බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා පවසා තිබේ.