ඡන්දෙට නොඑන බව ශෙහාන් සේමසිංහ කියයි.

ඡන්දෙට නොඑන බව ශෙහාන් සේමසිංහ කියයි. 

තමන් ඉදිරි පාර්ලිමේන්තු මැතිවරණය සදහා තරඟ නොකරන බව හිටපු මුදල් රාජ්‍ය අමාත්‍ය ශෙහාන් සේමසිංහ මහතා පවසයි. 

කෙසේ වෙතත්, තමන් දේශපාලනයෙන් ඉවත්වන බව ඉන් අදහස් නොවන බවද ඒ මහතා පවසයි. 

බංකොලොත් රට ගොඩ ගැනීම සදහා මහත් කැපවීමෙන් වැඩ කළා මිසක, ජනකාන්තවාදී පොරොන්දු දේශපාලනයක තමන් නිරත නොවූ බව පවසන හිටපු රාජ්‍ය අමාත්‍යවරයා, ජනතාව, තමන් ඇතුළු කණ්ඩායම සිදු කළ එකී බරපතල කාර්ය භාරය නිසි අගයකිරීමකට ලක් කර නැති බවට චෝදනා කරයි. 

කෙසේ වෙතත්, බලය  තිබුණු අවස්ථාවේ දී මහත් කැපවීමෙන් ජනතාව වෙනුවෙන් සේවය කළ බව තමන් විශ්වාස කරන බැවින්, බලය අත්හැරීම පිළිබදව කිසිදු කණස්සල්ලක් තමන්ට නැති බවද ඒ මහතා පවසයි.