"වරද්දා ගන්න එපා; ඒ දෙවියෝ නෙවෙයි..! කතරගම බස්නායක නිලමේ දූෂිතයෙක්..! විගණනයක් අවශ්‍යයි..!" සී.අයි.ඩීයට පැමිණිල්ලක්.

"වරද්දා ගන්න එපා; ඒ දෙවියෝ නෙවෙයි..! කතරගම බස්නායක නිලමේ දූෂිතයෙක්..! විගණනයක් අවශ්‍යයි..!" සී.අයි.ඩීයට පැමිණිල්ලක්. 

මෑතක දී මහරගම අපේක්ෂා රෝහලට ළමා වාට්ටු සංකීර්ණයක් හදා දීමට මැදිහත් වූ කතරගම මහ දේවාලයේ බස්නායක නිලමේ ට එරෙහිව අද සිවිල් ක්‍රියාකාරිකයෙකු වන කාමන්ත තුෂාර මහතා අපරාධ පරීක්ෂණ දෙපාර්තමේන්තුවට පැමිණිලි කළේ ය. 

මහරගම අපේක්ෂා රෝහලට යහපත් අපේක්ෂාවෙන් වාට්ටු සංකීර්ණයක් හදා දුන්නා නම් එය ගෞරවණීය ක්‍රියාවක් බව සදහන් කරන කාමන්ත තුෂාර මහතා, නමුත්, කිසිසේත්ම මෙම ක්‍රියාවලිය අහිංසක එකක් නොවන බව අවධාරණය කරයි. 

කතරගම බස්නායක නිලමේ යනු චෝදනා රැසක් එල්ල වී තිබෙන පුද්ගලයෙකු- බව පවසන කාමන්ත තුෂාර මහතා, එම චෝදනාවන්ට අදාල ලිපි ගොනු තමන් අද අපරාධ පරීක්ෂණ දෙපාර්තමේන්තුවට භාර දුන් බවද පවසයි. 

විශේෂයෙන්ම, අපේක්ෂා රෝහලේ අදාල ළමා වාට්ටු සංකීර්ණය ඉදිකිරීම සදහා එකතු කළ ආධාර මුදල්ද බස්නායක නිලමේ නමැති පුද්ගලයා පිල්ලි ගසා ඇතැයි කාමන්ත තුෂාර මහතා චෝදනා කරයි. 

ඊට අමතරව කතරගම බස්නායක නිලමේට එරෙහිව එල්ල වී තිබෙන තවත් චෝදනා රැසක් ඔහු හෙළි කරයි. 

කාමන්ත තුෂාර මහතා, කතරගම බස්නායක නිලමේ පිළිබදව චෝදනා එල්ල කරන වීඩියෝ ව, මෙම ලිපියට අදාල හෙඩ් ලයින් නිවු්ස් ෆේස්බුක් පෝස්ටුවේ පළවෙනි කොමෙන්ට් එක ලෙස එක්කර තිබේ.