හිටපු ජනපති රනිල්ගේ පෞද්ගලික ලේකම් සැන්ඩ්රා පෙරේරා සහ ජනාධිපති ලේකම් සමන් ඒකනායක සී.අයි.ඩීයට කැදවයි.

හිටපු ජනපති රනිල්ගේ පෞද්ගලික ලේකම් සැන්ඩ්රා පෙරේරා සහ ජනාධිපති ලේකම් සමන් ඒකනායක සී.අයි.ඩීයට කැදවයි.

හිටපු ජනාධිපති රනිල් වික්‍රමසිංහ මහතා, 2023 වසරේ සැප්තැම්බර් 13 සහ 24 අතර කාලය තුළ සිදුකර තිබෙන විදේශ සංචාරයක් සම්බන්ධයෙන් ප්‍රකාශ ලබා ගැනීම සදහා, ඔහුගේ පෞද්ලික ලේකම්වරිය වන සැන්ඩ්‍රා පෙරේරා මහත්මිය අද දිනයේ දී අපරාධ පරීක්ෂණ දෙපාර්තමේන්තුවට කැදවා තිබෙන බව වාර්තා වේ. 

මේ සම්බන්ධයෙන් ම ප්‍රකාශ ලබා ගැනීමට හෙට දිනයේ දී හිටපු ජනාධිපතිවරයාගේ ලේකම් වූ සමන් ඒකනායක මහතා ද අපරාධ පරීක්ෂණ දෙපාර්තමේන්තුවට කැදවා තිබේ. 

හිටපු ජනාධිපති රනිල් වික්‍රමසිංහ මහතා, ඔහුගේ බිරිද වූ මෛත්‍රී වික්‍රමසිංහ මහත්මියගේ ආචාර්ය උපාධි ප්‍රධානෝත්සවයට සහභාගී වීම සදහා 2023 සැප්තැම්බර් 22 සහ 23 යන දිනවල එක්සත් රාජධානිය බලා ගොස් ඇති බව වාර්තා විය. 

මෙම සංචාරය සදහා රජයේ මුදල් රුපියල් ලක්ෂ 169 ක ප්‍රමාණයක් වැය වී ඇති බව පැවසේ. 

කියුබානු සහ එක්සත් ජනපද නිල සංචාර දෙකක් අවසන් කිරීමෙන් පසුව, හිටපු ජනාධිපති රනිල් වික්‍රමසිංහ, එක්සත් ජනපදයේ සිට එක්සත් රාජධානිය බලා මෙම පෞද්ගලික සංචාරය සිදුකර තිබේ.