විනිසුරු මංජුල රත්නායකගේ වැඩ තහනම්...!

විනිසුරු මංජුල රත්නායකගේ වැඩ තහනම්...!

වහාම ක්‍රියාත්මක වන පරිදි, ඔක්තෝබර් 30 වන දා සිට බලපැවැත්වෙ පරිදි, වැල්ලවාය මහේස්ත්‍රාත් මංජුල රත්නායක මහතාගේ වැඩ තහනම් කිරීමට අධිකරණ සේවා කොමිෂන් සභාව පියවර ගෙන තිබේ. 

මෙම වැඩ තහනම සිදුකර තිබෙන්නේ, පොලිස්පතිවරයා විසින් අගවිනිසුරුවරයා වෙත කරන ලද පැමිණිල්ලක් මත පදනම්ව බව වාර්තා වේ. 

සැකකරුවන්ට පනවා තිබෙන විදෙස් ගමන් තහනම් ඉවත් කිරීම සහ නඩු භාණ්ඩ මුදා හැරීම ආදී කාරණා වල දී විනිසුරුවරයාගේ මැදිහත් වීම ප්‍රශ්නසහගත වී තිබේ. 

මීට පෙර කොළඹ මහේස්ත්‍රාත් අධිකරණයේ සේවය කළ මංජුල රත්නායක මහතා පසුගිය දා වැල්ලවායට මාරුකර යවන ලදී. ඔහු ඇත-ුළු තවත් විනිසුරුවරු රැසකට මාරුවීම් ලබා දී තිබුණු අතර, එම ස්ථානමාරුවීම සම්බන්ධයෙන් විපක්ෂයේ මන්ත්‍රීවරු රැසක් පාර්ලිමේන්තුව තුළ දැඩි විරෝධයක් දැක්වී ය.