ජනපති විසින් පොලිස්පතිගේ බලතල ලිඛිතවම මහජන ආරක්ෂක අමාත්‍යංශයේ ලේකම්ට පවරයි...!

ජනපති විසින් පොලිස්පතිගේ බලතල ලිඛිතවම මහජන ආරක්ෂක අමාත්‍යංශයේ ලේකම්ට පවරයි...!

ජනාධිපති රනිල් වික්‍රමසිංහ මහතා විසින්, මැතිවරණ කාල සීමාව තුළ පොලිස්පතිවරයා වෙනුවෙන් තීන්දු තීරණ ගැනීමේ බලය, මහජන ආරක්ෂක අමාත්‍යංශයේ ලේකම්වරයාට පවරා ඇති බව සන්ඩේ ටයිම්ස් පුවත්පත වාර්තා කරයි. 

ජනාධිපති ලේකම්ගේ නිල අත්සනින් යුතුව, අදාල බලතල මහජන ආරක්ෂක අමාත්‍යංශයේ ලේකම්ට පවරා දීම සිදු කර තිබේ. 

ඒ අනුව, මැතිවරණ කාල සීමාව තුළ පොලිස්පතිවරයා විසින් නිකුත් කරන සියළු නියෝග, මැතිවරණ රාජකාරී සදහා පොලිස් නිළධාරීන් යෙදවීම, මැතිවරණ රැස්වීම් සදහා අවශ්‍ය කටයුතු සම්පාදනය කර දීම, ප්‍රවාහන අවශ්‍යතා සපුරාදීම, මැතිවරණ කාල සීමාව තුළ අවශ්‍ය වන මුදල් ගෙවීමට කටයුතු කිරීම ආදී සියල්ල පොලිස්පතිවරයා වෙනුවෙන් මහජන ආරක්ෂක අමාත්‍යංශයේ ලේකම්වරයා විසින් කරනු ලබයි. 

වැඩබලන පොලිස්පතිවරයෙකු පත් කරන ලෙස මැතිවරණ කොමිසම ලිඛිතව ජනාධිපතිවරයාගෙන් ඉල්ලා තිබුණු අතර, පොලිස්පතිවරයාගේ රාජකාරී ආවරණය කිරීම මහජන ආරක්ෂක අමාත්‍යංශයේ ලේකම්ට පවරා ඇති බව එම ලිඛිත ඉල්ලීමට පිළිතුරු ලෙස ජනාධිපතිවරයා විසින් මැතිවරණ කොමිසමට එවා තිබේ.