ජනාධිපතිගේ ධූර කාලය අවුරුදු පහක් ද නැත්නම් හයක් ද ? පෙත්සම් විභාගය ජූලි 08

ජනාධිපතිගේ ධූර කාලය 

අවුරුදු පහක් ද නැත්නම් හයක් ද..?

පෙත්සම් විභාගය 

ජූලි 08. 

ජනාධිපතිවරයාගේ ධූර කාලය සම්බන්ධයෙන් ගොනුකර තිබෙන මූලික අයිතිවාසිකම් පෙත්සම සලකා බැලීම සදහා අගවිනිසුරු ජයන්ත ජයසූරිය විසින් පංච පුද්ගල විනිසුරු මඩුල්ලක් පත් කර තිබේ. 

පෙත්සම, ජූලි මාසයේ අටවන දා විභාගයට ගැනීමට නියමිතය. 

අගවිනිසුරු ජයන්ත ජයසූරිය, මුර්දු ප්‍රනාන්දු, ප්‍රීති පද්මන් සූරසේන සහ එස්.තුරෙයිරාජා යන විනිසුරුවරු මෙම පෙත්සම විභාගයට පත්කර තිබෙන පංච පුද්ගල විනිසුරු මඩුල්ලට අයත් වේ. 

දයාල් ලේනාව නමැති පුද්ගලයෙකු විසින් මෙම මූලික අයිතිවාසිකම් පෙත්සම ශ්‍රේෂ්ඨාධිකරණය හමුවේ ගොනුකර ඇති අතර, ඔහු ව්‍යවසායකයෙකු බව වාර්තා වේ.