“පාර්ලිමේන්තුව රාජාධිකරණයක් නොවෙයි..! දේශබන්දුට එරෙහිව දුන් තීන්දුව පිළිනොගෙන සිටීමට කතානායකට බෑ...!” සාලිය පීරිස්

පාර්ලිමේන්තුව යනු රාජධිකරණයක් නොවේ යැයි, ජනාධිපති නීතීඥ සාලිය පීරිස් මහතා පවසයි.

ඔහු මේ බව පවසා සිටියේ මේ මොහොතේ පැවැත්වෙන මාධ්‍ය හමුවක් පවත්වමිනි.

දේශබන්දු තෙන්නකෝන් මහතාට එරෙහිව ශ්‍රේෂ්ඨාධිකරණය ලබා දුන් නියෝගය පිළි නොගන්නා බව ප්‍රකාශ කිරීමේ බලයක් කතානායකට නැති බවද ජනාධිපති නීතීඥ සාලිය පීරිස් මහතා පවසයි.

ඔහු එසේ පැවසූවේ, ශ්‍රේෂ්ඨාධිකරණ තීන්දුවට එරෙහිව පියවරක් ගන්නා ලෙස අග්‍රාමාත්‍යවරයා විසින් කතානායකගෙන් ඉල්ලා තිබීම සැලකිල්ලට ගනිමිනි.

රටේ ඉහළම අධිකරණය ශ්‍රේෂ්ඨාධිකරණය බව පැවසූ සාලිය පීරිස් මහතා, ශ්‍රේෂ්ඨාධිකරණයට ඉහළින් වූ අභියාචනාධිකරණ බලයක් කතානායකට නැති බවද පවසයි