“පොලිස්පතිවරයෙකු හෝ වැඩබලන පොලිස්පතිවරයෙකු පත් කරන්න..!” මැතිවරණ කොමිසම ජනපතිට දැනුම් දෙයි.

“පොලිස්පතිවරයෙකු හෝ වැඩබලන පොලිස්පතිවරයෙකු පත් කරන්න..!” මැතිවරණ කොමිසම ජනපතිට දැනුම් දෙයි. 

පොලිස්පතිවරයෙකු හෝ වැඩබලන පොලිස්පතිවරයෙකු පත්කරන ලෙස මැතිවරණ කොමිසම ජනාධිපතිවරයාගෙන් ලිඛිතව ඉල්ලා සිටීමට තීරණය කර තිබෙන බව වාර්තා වේ. 

මැතිවරණ කොමිසම අද රැස් වී මෙම තීරණය ගෙන තිබේ. 

ශ්‍රේෂ්ඨාධිකරණය, දේශබන්දු තෙන්නකෝන් පොලිස්පති ධූරයේ රාජකාරී කිරීමෙන් වළක්වා ඇති අතර, එය එළැඹෙන ජනාධිපතිවරණයට බලපානු ඇතැයි ඇතැම් පිරිස් විශ්වාස කරයි. 

කෙසේ වෙතත්, පොලිස්පතිවරයෙකු හෝ වැඩබලන පොලිස්පතිවරයෙකු පත් නොකිරීම පොලිස් දෙපාර්තමේන්තුවේ අභ්‍යන්තර පරිපාලනයට ගැටළුවක් විය හැකි නමුත් නියමිත පරිදි ජනාාධිපතිවරණය පැවැත්වීමට එය බාධාවක් නොවන බව මැතිවරණ කොමිසමේ සභාපතිවරයා පවසයි.