පවිත්‍රාත් රාජපක්ෂලාට පිටුපායි..?

පවිත්‍රාත් රාජපක්ෂලාට පිටුපායි..?

ඉදිරි ජනාධිපතිවරණය සදහා පොහොට්ටු පක්ෂය වෙනම අපේක්ෂකයෙකු ඉදිරිපත් කළ යුතු බවට වූ මතයේ පසුගිය සදුදා දිනයේ දී ත් දැඩිව එල්බී සිටි පවිත්‍රා වන්නි ආරච්චි මහත්මිය, මේ වන විට සිය පාක්ෂිකයන්ගෙන් අසා එම තීරණය යලි සලකා බැලීමට සූදානම් වන බව වාර්තා වේ. 

පවිත්‍රා වන්නිආරච්චි මහත්මිය පසුගිය සදුදා දිනයේ පවසා සිටියේ, රනිල්ට සහාය දෙනවා වෙනුවට,  පොහොට්ටු පක්ෂය වෙනම අපේක්ෂකයෙකු ඉදිරිපත් කළ යුතු බවයි. 

නමුත් ඊයේ දිනයේ දී  සිය රත්නපුරයේ පිහිටි නිවසේ දී ආධාර කරුවන් මුණ ගැසී ඇති පවිත්‍රා, එහිදී, ජනාධිපතිවරණයේ දී ගත යුතු තීන්දුව සම්බන්ධයෙන් ඔවුන්ගේ මතය විමසා තිබේ. 

මෙම මත විමසුම සදහා දහතුන් දෙනෙකු සහභාගී වී ඇති අතර, ඔවුන්ගෙන් 12 දෙනෙකුම පවසා ඇත්තේ, ඉදිරි ජනාධිපතිවරණයේ දී රනිල් වික්‍රමසිංහ ජනාධිපතිවරයාට සහයෝගය ලබා දිය යුතු බවිය. එක් අයෙකු පමණක්, පොහොට්ටුව ඉදිරිපත් කරන අපේක්ෂකයෙකු සදහා පවිත්‍රා සහාය දිය යුතු යැයි ඉල්ලා තිබුණි.