“තීරණාත්මක මොහොතේ ඔබ කළ මෙහෙය අමතක කළ නොහැක..!” ඇමති කාන්චන හරීන්ට සහ මනූෂට කියයි.

“තීරණාත්මක මොහොතේ 

"ඔබ කළ මෙහෙය අමතක කළ නොහැක..!” ඇමති කාන්චන හරීන්ට සහ මනූෂට කියයි. 

සමගි ජන බලවේගය විසින් ගොනු කර තිබූ නඩුවකට අදාලව ශ්‍රේෂ්ඨාධිකරණය අද ලබා දුන් තීන්දුව ප්‍රකාරව, හරීන් ට සහ මනූෂ ට ඔවුන්ගේ මන්ත්‍රී ධූර අහිමි විය. 

ඔවුන් දෙදෙනාම කැබිනට් ඇමතිවරුන් ය. 

සිය සගයන් දෙදෙනාට අත් වූ ඉරණම පිළිබදව, විදුලිබල හා බලශක්ති අමාත්‍ය කාන්චන විජේසේකර මහතා විශේෂ ට්වීටර් පණිවිඩයක් තබා තිබේ.   

හරීන් සහ මනූෂ රනිල් වික්‍රමසිංහ මහතාට සහාය දීමට පැමිණියේ, තීරණාත්මක අවස්ථාවක බව පවසන කාන්චන විජේසේකර, ඔවුන් එම තීරණය ගත්තේ මන්ත්‍රී ධූර අහෝසි වීමේ අවදානම දැනගෙනම බවද පවසයි. 

හරීන් සහ මනූෂ යන දෙදෙනාම රටට ඩොලර් උපයන ක්ෂේත්‍ර දෙකක කටයුතු කළ බව පවසන අමාත්‍යවරයා, කඩා වැටුණු ආර්ථිකය යළි යථා තත්ත්වයට පත් වීම කෙරෙහි ඔවුන් දෙදෙනාගේ වෙහෙස බලපෑ බවද අවධාරණය කරයි. 

එක් අවදියක හරීන් සහ මනූෂ යන දෙදෙනාම තමන්ට පසමිතුරු කදවුරක සිටියද, එකට එකතු වී කටයුතු කළ කාලය තුළ ඔවුන් දෙදෙනා කළ කැපවීම තමන් අගය කරන බවද අමාත්‍යවරයා වැඩිදුරටත් පවසා තිබේ.