"85% ක් භාර දීලා. අනිත් අයත් සියළු ගිනි අවි ජනවාරි 20 ට පෙර භාර දෙනු..!" ආරක්ෂක අමාත්‍යංශය.

"85% ක් භාර දීලා. අනිත් අයත් සියළු ගිනි අවි ජනවාරි 20 ට පෙර භාර දෙනු..!" ආරක්ෂක අමාත්‍යංශය.

පුද්ගලික ආරක්ෂාව වෙනුවෙන් සිවිල් පුරවැසියන් වෙත රජය විසින් ලබා දී තිබෙන ගිනි අවි නැවත භාර දෙන ලෙස කරන ලද නියෝගයට අනුව, මේ වන විට, එසේ නිකුත්කර තිබුණු ගිවි අවි සහ උණ්ඩවලින් 85% ක් ලැබී ඇති බව ආරක්ෂක අමාත්‍යංශය නිවේදනය කරයි. 

මේ දක්වා භාර නොදුන් සහ විගණනයට ඉදිරිපත් නොකරන ලද සියළු ගිනි අවි, නව වසරේ ජනවාරි විසි වන දාට පෙර ලබා දෙන ලෙස ද ආරක්ෂක අමාත්‍යංශය දැනුම් දී තිබේ. 

ගිනි අවි භාර දීමට ලබා දී තිබෙන අවසාන කාල සීමාව එය වන අතර, ඊට පෙර ගිනි අවි භාර නොදෙන සියලුම දෙනාට එරෙහිව නීතිමය පියවර ගැනීමට නියමිත ය.