“මාසික කුළිය ලක්ෂ 30 නො ඉක්මවූ තැනකට යන ලෙස උපදෙස් ලැබී තිබිය දී ලක්ෂ 49 ත් ඉක්ම වූ තැනක් තෝරා ගත්තේ ඇයි...?” කෝප් කමිටුව අසයි.

“මාසික කුළිය ලක්ෂ 30 නො ඉක්මවූ තැනකට යන ලෙස උපදෙස් ලැබී තිබිය දී ලක්ෂ 49 ත් ඉක්ම වූ තැනක් තෝරා ගත්තේ ඇයි...?” කෝප් කමිටුව අසයි. 

ජාතික මැණික් හා ස්වර්ණාභරණ අධිකාරිය තුළ සිදුව ඇති බරපතල ගණයේ දූෂණ හා වංචා පිළිබදව පසුගිය සිකුරාදා දිනයේ රැස් වූ කෝප් කමිටුවේ දී සාකච්ඡා විය. 

විශේෂයෙන්ම, ජාතික මැණික් හා ස්වර්ණාභරණ අධිකාරිය සදහා නව කාර්යාල පරිශ්‍රයක් මාසික කුලී පදනම මත ලබා ගැනීමට යාමේ දී සිදුව තිබෙන අක්‍රමිකතාවයක් පිළිබදව මෙහිදී හෙළි විය. 

ජාතික මැණික් හා ස්වර්ණභරණ අධිකාරියට නව කාර්යාල පරිශ්‍රයක් සපයා ගැනීමේ අවශ්‍යතාවයක් මත-ුව තිබුණු අතර, ඒ සදහා මාසික කුලිය රුපියල් ලක්ෂ තිහ නොඉක්මවූ තැනක් ලබා ගැනීම සම්බන්ධයෙන් මුලදී තීරණය කර තිබුණි. 

නමුත් එම තීරණය මුළුමනින්ම නොතකා හරමින්, නිසි ක්‍රම සම්පාදන ක්‍රියාවලියෙන් බැහැර වී, මාසික කුළිය රුපියල් ලක්ෂ හතලිස් පහක් වූ දේපළක් ඒ සදහා සපයා ගැනීමට ජාතික මැණික් හා ස්වර්ණාභරණ අධිකාරිය කටයුතු කර තිබේ. 

ඒ අනුව මාසික කුළිය රුපියල් ලක්ෂ හතලිස් පහක කුලී පදනමකින් වසර දෙකක් සදහා අදාල පරිශ්‍රය ලබා ගැනීම සදහා බදු ගිවිසුම් අත්සන් කර තිබුණි. 

වසර දෙක ගෙවී යාමෙන් පසුව මෙම බදු ගිවිසුම තවත් වසර දෙකක් සදහා නීති විරෝධී ලෙස අලුත් කර ඇති බව කෝප් කමිටුවේ දී හෙලි විය.  

නව බදු ගිවිසුම මගින් මාසික ක-ුලිය රුපියල් ලක්ෂ හතලිස් පහේ සිට රුපියල් හතලිස් නම ලක්ෂ පනස් දහස දක්වා ඉහළ නංවා ගැනීමක් ද කරගෙන තිබුණි. 

දෙවන බදු ගිවිසුම අත්සන් තැබීමට පෙර, අදාල පරිශ්‍රය බදු ගැනීමට අදාල තක්සේරු වාර්තාවක් කැදවා ඇති නමුත්, තක්සේරු වාර්තාව ලැබීමට පෙර බදු ගිවිසුම අත්සන් තබා තිබේ. 

තක්සේරු වාර්තාව පැමිණිමට පෙර මාසික කුළිය තවත් ඉහළ දැමූ බදු ගිවිසුමකට අත්සන් තැබුවේ කෙසේ දැයි විගණකාධිපතිවරයා ප්‍රශ්න කළ විට, ජාතික මැණික් හා ස්වර්ණාභරණ අධිකාරියේ හිටපු සභාපති විරාජ්ද සිල්වා පවසා ඇත්තේ “මට මතක නෑ” යනුවෙනි.