ටිරාන්ට හෙට සී.අයි.ඩී යට එන්න කියයි.

ටිරාන්ට හෙට සී.අයි.ඩී යට එන්න කියයි. 

ඩබ්. ෆිෆ්ටීන් හෝලයට වෙඩි තැබීමේ සිදු වීම සම්බන්ධයෙන් ප්‍රකාශයක් ලබා ගැනීම සදහා අපරාධ පරීක්ෂණ දෙපාර්තමේන්තුව, එවකට මහජන ආරක්ෂක අමාත්‍යවරයා වූ ටිරාන් අලස් කැදවා තිබෙන බව වාර්තා වේ. 

දෙදහස් විසි තුන වසරේ දෙසැම්බර් තිස් එක්වන දා සිදු වූ වැලිගම පිහිටි ඩබ්. ෆිෆ්ටීන් හෝටලයට වෙඩි තැබීමේ සිද්ධියෙන් කොළඹ අපරාධ කොට්ඨාශයේ එක් නිළධාරියෙකු මිය ගියේ ය. 

මෙම වෙඩි තැබීම, හෝටලයේ හිමිකරු සමඟ ඇති පෞද්ගලික ආරවුලක් හේතුවෙන් සිදු කරන ලද්දක් බවට චෝදනා එල්ල වී තිබේ. 

මේ සම්බන්ධයෙන් සැකපිට, මේ වන විට හිටපු පොලිස්පති දේශබන්දු තෙන්නකෝන් රක්ෂිත බන්ධනාගාරගතව සිටියි. 

ඩබ් ෆිෆ්ටීන් හෝටලයට වෙඩි තැබීමේ සිදු වීම පිළිබදව හිටපු මහජන ආරක්ෂක අමාත්‍යවරයා තොරතුරු දන්නා බවට වන සැකය මත අපරාධ පරීක්ෂණ දෙපාර්තමේන්තු-ව මෙම කැදවීම සිද්ධ කර තිබේ. 

ඒ අනුව, ටිරාන් අලස් හෙට දිනයේ දී සී.අයි.ඩීය හමුවේ පෙනී සිටීමට නියමිත ය.