අධිකරණ ශාලාවට ඇතුළු වීමේ දී හිස නමා ගෞරව නොකිරීමේ වරදට නීතීඥවරියක රිමාන්ඩ් කරයි..!

අධිකරණ ශාලාවට ඇතුළු වීමේ දී හිස නමා ගෞරව නොකිරීමේ වරදට නීතීඥවරියක රිමාන්ඩ් කරයි..!

අධිකරණ ශාලාවට ඇතුළු වීමේ දී අධිකරණයට හිස නමා ආචාරකර ගෞරව කිරීම චේතනාන්විතම නොතකා හැරීම සම්බන්ධයෙන්, පුත්තලම මහාධිකරණ විනිසුරු නදී අපර්ණා සුවදුරුගොඩ විසින්  නීතීඥවරියක රිමාන්ඩ් බන්ධනාගාරගත කර තිබේ. 

මෙසේ රිමාන්ඩ් බන්ධනාගාරගත කර තිබෙන්නේ ප්‍රියංකා උදයංගනී සමරතුංග නමැති නීතීඥවරියයි. 

පුත්තලම මහාධිකරණයේ විභාග වන නඩුවක සැකකරුවකුට ඇප ලබා ගැනීම සදහා මෙම නීතීඥවරිය මාර්තු මාසයේ 7 වන දා අධිකරණය හමුවේ පෙනී සිට තිබේ. එම අවස්ථාවේ දී මෙම නීතීඥවරිය ගෞරවණීය ලෙස අධිකරණය ආමන්ත්‍රණය කිරීම හිතාමතාම නොතකා හැර තිබෙන බව ඇයට එල්ල වී තිබෙන එක් චෝදනාවකි. 

ඊට අමතරව, මාර්තු මාසයේ 27 වන දා, මෙම නීතීඥවරිය, පුත්තලම මහාධිකරණයේ අදාල අධිකරණ ශාලාවට ඇතුලු වීමේ දී අධිකරණයට හිස නමා ගෞරවය කිරීම චේතනාන්විතව නොතකා හැර ඇති බවද ඇයට එල්ල වන තවත් චෝදනාවකි.